Զարմանալի
- Hrayr Daghlian
- Sep 15, 2015
- 1 min read
Զարմանալի է երբ զԱստուած մեր հայրը կը կոչենք եւ Յիսուսը՝ մեր բարեկամը, եւ սակայն ուրիշին չենք ծանօթացներ զԻրենք:
Զարմանալի է երբ Աստուածաշունչի ճշմարտութիւնները դժուար կ'ըմբռնենք, բայց բամբասանքները շատ դիւրաւ:
Զարմանալի է երբ 20 տոլարնոցը մեծ կ'երեւի երբ եկեղեցի կը տանիս, բայց պզտիկ երբ անով շուկայ կ'երթաս:
Զարմանալի է երբ 60 վայրկեանը այնչափ երկար կը թուի երբ եկեղեցիի պաշտամունքին կը յատկացուի եւ այնչափ շուտ կ'անցնի՝ երբ հեռատեսիլի առջեւ ես, կամ պտոյտի մէջ:
Զարմանալի է երբ շատ դիւրին կը հաւատանք օրաթերթերու լուրերուն եւ թերհաւատ ենք Աստուածաշունչի գրութիւններուն նկատմամբ:
Զարմանալի է երբ հանդէսի մը առաջին շարքերը կ'ուզենք գրաւել, իսկ եկեղեցիին մէջ վերջին աթոռները:
Զարմանալի է երբ Ուրբաթ գիշեր ըլլալիք աշխարհիկ հանդէսի մը ակնկառոյց կը սպասենք եւ սակայն անտարբեր ենք Կիրակի առաւօտեան պաշտամունքին մասնակցելու:
Զարմանալի է երբ գործի ուշ չենք ուզեր մնալ եւ սակայն եկեղեցիի պաշտամունքին կ'ուշանանք:
Զարմանալի է երբ մեր մեղքերը այնչափ պզտիկ են իսկ ուրիշներունը խոշոր:
Զարմանալի է երբ կը կորսուինք եւ մեզի ուղղութիւն տուողի մը ցուցմունքներուն վստահելով կը հետեւինք եւ սակայն աննկատ կը ձգենք Աստուծոյ մեր կեանքին տուած ուղղութիւնը:
Զարմանալի է երբ կ'ակնկալենք որ Աստուած մեր պահանջքները հայթայթէ եւ սակայն կ'անտեսենք Իր խրատներն ու պատուէրները:
Զարմանալի է երբ երկինքի մասին երգեր կ'երգենք եւ սակայն մեր սիրտը աշխարհի կապուած է:
Comentários