Դիցաբանական անուններ եւ բացատրութիւններ (Մաս Բ.)

(Amphion) Ամփիոն: Որդի Արամազդի եւ Անտիպէի: Իր տաւիղին ձայնով շինեց Թեբէի պարսպները: ինք եւ իր եղբայրը Զեթէս հնարիչները կը համարուին գուսանական գործիքներու:

(Amphitrite) Ամփիտրիտէ: Աստուածուհի ծովու, դուստր Ովկիանու եւ Թետիսի, կին Նեպտոնի:

(Andromaque) Ան դրոմաքէ: Կին Հեկտորի, Իլիականին մէջ Անդրոմաքէ կը ներկայացուի որպէս խորհրդանշանը ամուսնական սիրոյ:

(Andromeda) Անդրոմիդէ: Եթովպիոյ Կեփէոս թագաւորին դուստրը, որ ինքզինք Հերայէն աւելի գեղեցիկ դաւանելով՝ Պոսիդոնի հրամանով նետուեցաւ ծովային նհանգի մը առջեւ, բայց Պերոէոս փրկեց զայն ճիւաղէն եւ ամուսնացաւ անոր հետ:

(Antigone) Անտիգոնէ: Դուստր Եգիպոսի: Անտիգոնէ որպէս ուղեցոյց ծառայեց իր կոյր հօր, ասոր համար ճանցուած է իբր տիպար որդիական գորովի:

(Aphrodite) Ափրոտիթէ: Սիրոյ աստուածուհին:

(Apollo) Ապողոն: Որդի Արամազդի եւ Լատոնայի, աստուած երաժշտութեան, բանաստեղծութեան, ճարտասանութեան, բժշկութեան եւ գեղարուեստից:

(Arachne) Արաքնէ: Լիւդացի Իգմոնի աղջիկը, զոր Աթենաս փոխակերպեց սարդի, որովհետեւ համարձակած էր իրեն հետ մրցիլ գորգ հիւսելու մէջ:

(Argus) Արգոս: Արեսդորի որդի, որ հարիւր աչք ունէր եւ կը հսկէր հովի վրայ: Քնանալու ատեն իր յիսուն աչքերը բաց կը մնային: Հերմէս իր սրինգով զայն քնացուց բոլորովին եւ կտրեց անոր գլուխը: Այնուհետեւ Արգոսը աչքերը փոխադրուեցան սիրամարգի պոչին վրայ:

(Ariadne) Արիադնէ: Դուստր Մինովայ արքային Կրետէի, ուր Աթէնքցիք՝ որպէս հարկ՝ տարեկան եօթը աղջիկ եւ եօթը մանչ կը ղրկէին, զորս կը լափէր Մինոտաւրոս: Թեսէոս, մէկը այս զոհերէն, գութն ու սէրը շարժելով Արիադնէի՝ անկէ ստացաւ կծիկ մը չուան, որ զինք լաբիւրինթոսէն դուրս առաջնորդեց: Այսպէս ազատեցաւ Թեսէոս եւ ամուսնացաւ Արիադնէի հետ: