ԱՌԻՒԾԸ, ԱՂՈՒէՍԸ ԵՒ ԱՐՋԸ (ՈՍԿԵՓՈՐԻԿ)

​ Առիւծը հիւանդացաւ եւ բոլոր կենդանիները եկան տես

ութեան. միայն աղուէսն ուշացաւ: Արջը չարախօսեց զայն: Աղուէսը լսեց եւ ներս մտնելով սկսաւ թաւալիլ թագաւորին առջեւ:

Առիւծը ըսաւ աղուէսին.

- Գարշելի՜, ըսէ ինծի, ինչո՞ւ ուշացար:

Աղուէսը ըսաւ.

- Կ'երդնում, որ քու առողջութեան համար այցելեցի շատ բժշկապետներու, շատ չարչարուեցայ, բայց իմացայ դեղը քու բժշկութեան:

Եւ առիւծը ըսաւ.

- Իմաստո՜ւն կենդանի, ի՞նչ է այդ դեղը:

Աղուէսը ըսաւ.

- Բժշկապետները ըսին, թէ ողջ-ողջ հանեցէք արջի մորթը եւ տաք-տաք փաթթեցէք առիւծի մարմնին, կը տանի ցաւը հիւանդին:

Բռնեցին արջը, հանեցին մորթը, արջը կը վայէր ու կ'ոռնար ցաւագին:

Եւ աղուէսը ըսաւ.

- Այդ ամէնը քեզի եւ անոր համար, որ արքունիք մտնելով կը չարախօսէ ուրիշի հասցէին»:

ՈՍԿԵՓՈՐԻԿ